PINNOLO / Eduardo Scarpetta: “Napule”

Napule

Cielo ca nun se trova a n’atu pizzo,
mare ‘ncantato, addò tanti figliole
se perdono p’’a famma. Nu scugnizzo
ca dorme ‘nterra o ca se scarfa ô sole.
Chi è ricco e cchi ‘mmece campa a stiente
e ggente ca s’accidono pe nniente!!

Popolo sempe allero e ddisperato,
balcune cu cepolle e ssovère appese,
na canzone, nu muro suppuntato,
na festa e nu miraculo ogne mese.
Dint’a nu vascio sette figlie e ‘a mamma
dormeno nzieme… Napule se chiamma.

Eduardo Scarpetta

SulSud

SulSud è un giornale on line nato dalla volontà di un collettivo di scrittori, giornalisti, professionisti, artisti uniti dalla volontà di una contronarrazione del Mezzogiorno.