Nun me ce trovo: la canzone poesia di Titina De Filippo

Nun me ce trovo

Quanne nun te ce truove

‘Ncoppo ‘o munno ca gira

E’ meglio ca muore

Embe’, io nun me ce trovo!

Io l’aggio girato quanno e’ largo e tunno

E pure ‘e gatte m’hanno fatto ll’ove.

e’ isso ca cammina cu nu passo curiuso

Troppo precipituso

Io nun me ce trovo

Cu mme se piglia ‘o spasso pecche’

So’ ‘nnammurato e so’ geluso.

Sicche’ me ‘ncanto

Cu na margherita

Nce conto ‘e foglie e m’astipo na viola

E so’ capace

E ‘ntussecarme ‘a vita

Pe’ na parola na parola sola.

Annascosto m’astipo

Chelle cose ch’erane ‘e ttoje

‘o munno nun ‘e capisce

me ride ‘nfaccia ma pecche’

quasi m’avvilisce

se ride ‘e tutto nun se crede cchiu’ a niente

io nun me ce trovo

me vo’ indifferente

“Io te voglio bene assaje”

ma che ce sta ‘e male?

Te l’aggio ditto

Nun me fa parla’

‘O munno me vo’ triste e senz’anema

strafuttente e senza sentimiente

e nun ce mette

niente a te cundanna’.

Ma io me ‘ncanto

Cu na margherita

Nce conto ‘e foglie e m’astipo na viola

E so’ capace

E ‘ntussecarme ‘a vita

Pe’ na parola na parola sola.

Titina De Filippo, musiche di Brunello Canessa

SulSud

SulSud è un giornale on line nato dalla volontà di un collettivo di scrittori, giornalisti, professionisti, artisti uniti dalla volontà di una contronarrazione del Mezzogiorno.