PINNOLO QUOTIDIANO / 32 anni fa scompariva Eduardo. La poesia ” ‘O pparlà ‘nfaccia” lo racconta

32 anni fa ci lasciava Eduardo, oggi dedichiamo a lui il “pinnolo” quotidiano.

‘O pparlà ‘nfaccia (1971)

Io chesto tengo:
tengo ‘o pparla’ nfaccia.
Pure si m’aggia fa’ nemico ‘Ddio
e me trovo cu isso
faccia a ffaccia,
nfaccia lle dico chello c’aggia di’.
Se scummoglia ‘o fenucchio?
E se scummoglia!
Cca’, pe’ tene’ cupierte st’altarine,
se so’ mbrugliate ‘e llengue
e nun se sa’pe
chi te fa bene
e chi male te fa.
Si nun se mett’ ‘o dito ncopp’ ‘apiaga
e se pulezza scafutann’ ‘a rinto
fino a che scorre ‘o sango
russo e vivo
cumm’ a chello ‘e Giesù
nostro Signore
‘a piaga puzza!
E siente nu fetore
ca t’abbelena ll’aria
‘a terra
‘o mare.
E nuie vulimmo ll’aria fresca e pura
celeste e mbarzamata
e chillu viento
ca vulanno
e passànno
a rras’ ‘e mare
se piglia ‘addore
e ‘a mena int’ ‘e balcune
pè dint’ ‘e stanze
e arriva ncopp’ ‘e lloggie
d’ ‘e case noste.

Eduardo de Filippo

SulSud

SulSud è un giornale on line nato dalla volontà di un collettivo di scrittori, giornalisti, professionisti, artisti uniti dalla volontà di una contronarrazione del Mezzogiorno.